Мавлюда Маматиллаохунова

Мавлюда Маматиллаохунова

2005 йилда “Ўзбекистон Республикасида хизмат кўрсатган артист” фахрий унвони билан мукофотланган.

2021 “Шуҳрат” медали билан мукофотланган. Шу йили “Ўзбекистон мустақиллигининг 30 йиллиги” эсдалик нишони билан тақдирланди.

Маматиллаохунова Мавлюда Адиловна умумий мехнат стажи 39 йил. 1979 йил Ўзбекистон Республикаси Маданият ишлари вазирлигининг йўлланмаси билан Сирдарё вилояти мусиқали драма театрига ишга келди. Дастлабки кундан бугунги кунга қадар драма артисти лавозимида фаолият кўрсатиб келмоқда.

Меҳнатсеварлик, изланувчанлик, ўқиш, ўрганиш актриса М.Маматиллаохунованинг энг муҳим ҳислатларидан. Театр-томоша санъатининг кўплаб жанрлари, сиру синоатларини пухта эгаллаган, ўзлаштирган санъаткор М.Маматиллаохунова 55 дан зиёд турли ёш, турлича характер, касбикор ва маслакка эга бўлган ранг-баранг образлар галлереясини яратди.

Унинг В.Шекспирнинг “Ричард-III”даги-Қиролича Анна, В.Маяковскийнинг “Ҳаммом”даги-Нурафшон аёл, М.Бобоевнинг “Ер томири”даги-Зебо, А.Гельманнинг “Имзо”даги-Алла Ивановна, Т.Жамоловнинг “Сўнмас юлдузлар”даги Анора, Т.Минуллиннинг “Одам ва Ажал”даги-Гульфира, М.Бобоевнинг “30-ёшлилар”даги-Латофат, А.Дударевнинг “Порог”даги Алина, “История метронпажем”даги Виктория, Ж.Маҳмудовнинг “Қичқир хўроз”даги Тулки, А.Қаҳҳорнинг “Оғриқ тишлар”даги-Насиба, Ж.Маҳмудовнинг “Аёллар фарёд”даги-Фотима, Ҳ.Жовуднинг “Амир Темур”даги-Ольга, Ш.Жумаевнинг “Тўй ҳангомалари”даги-Она, К.Авазнинг “Марварид таққан аёл”даги-Чинора, А.Жамолнинг “Меҳрибонлар”даги-Сарвихон, Қ.Муҳаммад Ризонинг “Тўй”даги-Санамхон, К.Гальдонининг “Аёллар машмашаси”даги-Беатриче, А.Волковнинг “Жавоҳирлар шаҳри сеҳргари”даги-Одамҳўр аёл, Мухтор Худойқуловнинг “Ибтидо”даги-Она Ер, “Хонима хоним”даги Текле, “Қор ёғмайдиган мамлакат”даги Сарой маликаси, “Фирибгар”даги “Патила”, “Тузоқ”даги Ҳамшира, “Ғаройиб карнавал”даги Тулки, “Хотинлар гапидан чиққан ҳангома”даги Ҳалима, “Стандарт куёв”да Шарифа, “Хавфли қадам”даги Лўли аёл, “Инсон ўзинг...”даги “Унсин”, Туроб Тўланинг “Бу юрт муқаддас тупроғимдур”... (Нодирабегим)да Нодирабегим, “Қутича ёки жинни бўлиш ҳеч гап эмас”даги Эркиной, “Жонгинам шартингни айт”даги Муборокхон, “Тафаккур”даги Бувизилол, “Эски шаҳар гаврошлари”даги Ҳуринисо, ҳамда “Момо ер”даги Тўлғаной, “Бибихоним”да Бибихоним, “Бу юрт муқаддас тупроғимдур”да Қутлуғнигорхоним, “Яхши кун” фольклор томошасида мазлума аёл каби роллари шулар жумласидандир.

Изланувчан ижодкор М.Маматиллаохунова Республика ва вилоят бўйлаб ўтказилган “Мустақиллик”, “Наврўзи олам” ва бошқа оммавий байрам тадбирларида, бир нечта тарихий қаҳрамонлар образларини яратиш билан бир қаторда сухандонлик маҳорати билан иштирок этган.

Фаол жамоатчи аёл, М.Маматиллаохунова, театр Бадиий кенгаши ҳамда Ўзбекистон театр ижодорлари уюшмаси аъзоси.

Актрисанинг санъати, маҳорати кўп бора юқори ҳамда қуйи ташкилотларнинг фахрий ёрлиқ ва эсдалик совғалари, 2005 йил Ўзбекистон Республикаси Президентининг Фармонига биноан ”Ўзбекистонда хизмат кўрсатган артист” фахрий унвони, ҳамда 2015 йил Пойтахт Тошкентда ўтказилган «Сени куйлаймиз замондош»-III-Республика театрлари фестивалида намойиш этилган “Тафаккур” спектаклидаги Бувзилол ролининг юксак савиядаги ижроси учун кўрик танловнинг “Энг яхши аёл роли ижроси учун” мукофоти билан тақдирланган.

2018 йилда Қозоғистон Республикасида бўлиб ўтган VII - Халқаро театр фестивалида намойиш этилган “Момо ер” спектаклидаги Тўлғаной роли учун Бикен Римова номидаги “Энг яхши аёл роли учун” номинациясига сазовор бўлди.

       Серқирра ижодкор Мавлюда Маматиллаохунова Сирдарё вилояти телевиденияси буюртмасига асосан Дилноза Зокирова авторлигида, Жаҳонгир Эшпўлатов режиссёрлигида тасвирга олинган “Сўнги юлдуз” ва “Қора қуюн” видеофильмларидаги Замира ва Мастура роллари унинг ижодидини янада бойитиб туриши билан ҳам аҳамиятлидир.

Оилалик, тўрт фарзанднинг онаси.